ايدونا . . . فرصة نعيش
انا ( ل . م ) 16 سنة عابرة جندريا : هاتكلم عن آخر حادثة حصلت معايا فى 2022 .
كانت فى أحد موالات مصر كنت رايحه مع أصحابي، و كان فيه شخص بيصورنا وحد مننا راح ليه وقاله انت بتصورنا ليه ؟!
قام الولد ضرب صاحبنا والكاميرات صورت، انا والأشخاص الترانس اللى كانوا موجودين معانا ، قررنا نمشى من المكان .
ست ساعات . . . تحقيق .
الموضوع اتقلب علينا ..ومسحنا كل حاجة على الموبايلات و
فيه بنت ترانس كانت معانا شكلها بنت نمطية بس بطاقتها فيه الاسم الذكر.
كان الموجودين افراد من أمن المول ، واتنين ظباط مباحث قعدوا يحققوا معانا ، يصورونا ، و اخذوا صاحبتي لوحدها فى اوضه لوحدها يحققوا معاها و قالوا لينا (انتو شبكة شواذ)، ومنعوا المحامى انه يحضر معانا .. ضربوا المحامى و طردوه و قالوا ” ها تباتوا فى احلى مكان فى مصر ” .
روحنا على قسم الشرطة ، وتم التحقيق معانا واحنا مش فاهمين ايه بيحصل.
لما بعض مننا .. رفض يفتح، موبايل يضربوهم، ويهددوهم بالحبس فى الحجز مع الرجالة و نزلنا تحت مع المساجين .
و قال الظابط (ها نسيبهم عليكم وتحت فى الحجز مع الرجاله ها نعلمكوا ازاى تبقوا رجاله) و قعدنا ست ساعات تحقيق.
